
ແຜນຈັດຕັ້ງປະຕິບັດການຈັດສັນຍົກຍ້າຍ
6 ດ້ານ ທີ່ກວມເອົາ ແຜນງານການຈັດສັນຍົກຍ້າຍ ທັງໝົດ ນັບແຕ່ການສຳຫຼວດ ຄັ້ງທຳອິດ ຈົນເຖິງ ການຟື້ນຟູຊີວິດການເປັນຢູ່.
ການປຶກສາຫາລື ແລະ ການມີສ່ວນຮ່ວມ ຂອງພາກສ່ວນກ່ຽວຂ້ອງ
ກອງປະຊຸມຂັ້ນແຂວງ, ຂັ້ນເມືອງ ແລະ ຂັ້ນບ້ານ ພ້ອມບັນທຶກຄຳຖາມ ແລະ ຄຳຕອບ ທຸກຄັ້ງ.
- ກອງປະຊຸມ ຂັ້ນແຂວງ, ຂັ້ນເມືອງ ແລະ ຂັ້ນບ້ານ
- ກອງປະຊຸມສະເພາະ ກັບແມ່ຍິງ ແລະ ຊົນເຜົ່າ
- ການປຶກສາຫາລື ຊຸມຊົນໃນບ້ານເຈົ້າພາບ
- ການເປີດເຜີຍ ສິດ ຂອງຜູ້ໄດ້ຮັບຜົນກະທົບ
- ກົນໄກແກ້ໄຂຄຳຮ້ອງທຸກ
ການສຳຫຼວດເສດຖະກິດ-ສັງຄົມ ແລະ ຜູ້ໄດ້ຮັບຜົນກະທົບ
ສຳຫຼວດທຸກຄົວເຮືອນທີ່ໄດ້ຮັບຜົນກະທົບ ແລະ ສ້າງຂໍ້ມູນພື້ນຖານລາຍຮັບ ເພື່ອໃຊ້ທຽບຜົນໃນພາຍຫຼັງ.
- ການສຳຫຼວດ ທຸກຄົວເຮືອນ ທີ່ໄດ້ຮັບຜົນກະທົບ
- ຂໍ້ມູນພື້ນຖານ ອາຊີບ, ລາຍຮັບ ແລະ ລາຍຈ່າຍ
- ການກຳນົດ ກຸ່ມບອບບາງ
- ທະບຽນ ແລະ ຖານຂໍ້ມູນ ຜູ້ໄດ້ຮັບຜົນກະທົບ (PAP)
ການຂຶ້ນບັນຊີຊັບສິນ ແລະ ການທົດແທນ
ທີ່ດິນ, ເຮືອນ, ຕົ້ນໄມ້ ແລະ ພືດຜົນ ທຸກລາຍການ ວັດແທກຮ່ວມກັບເຈົ້າຂອງ, ຕີລາຄາຕາມມູນຄ່າທົດແທນເຕັມ ແລະ ບັນທຶກໃນບັນຊີທີ່ເຊັນຢັ້ງຢືນ.
- ການສຳຫຼວດ ທີ່ດິນ, ເຮືອນ, ສິ່ງປຸກສ້າງ, ຕົ້ນໄມ້ ແລະ ພືດຜົນ
- ບັນຊີການສູນເສຍຊັບສິນ ທີ່ເຈົ້າຂອງເຊັນຮັບຮອງ
- ການປະເມີນ ຕາມມູນຄ່າທົດແທນ
- ຕາຕະລາງສິດຜູ້ໄດ້ຮັບຜົນກະທົບ ແລະ ສັນຍາທົດແທນ
ການວາງແຜນຈັດສັນຍົກຍ້າຍ
ແຜນຈັດຕັ້ງປະຕິບັດການຈັດສັນຍົກຍ້າຍ (RAP), ແຜນຍົກຍ້າຍແຕ່ລະບ້ານ ແລະ ແຕ່ລະໄລຍະ, ແລະ ຜັງບ້ານຈັດສັນໃໝ່.
- ແຜນຈັດຕັ້ງປະຕິບັດການຈັດສັນຍົກຍ້າຍ (RAP) ສະບັບໃໝ່ ແລະ ສະບັບປັບປຸງ
- ແຜນການຍົກຍ້າຍ ແຕ່ລະບ້ານ ແຕ່ລະໄລຍະ
- ການວາງແຜນ ສະຖານທີ່ບ້ານຈັດສັນໃໝ່
- ແຜນກຳນົດເວລາ ແລະ ງົບປະມານ
ການຟື້ນຟູຊີວິດການເປັນຢູ່
ກະສິກຳ (ການປູກຝັງ, ການລ້ຽງສັດ) ແລະ ການປະມົງ, ອາຊີບຄ້າຂາຍ ແລະ ບໍລິການ, ຫັດຖະກຳ ແລະ ໝວດອຸດສາຫະກຳຄົວເຮືອນ ທີ່ເລືອກຮ່ວມກັບແຕ່ລະຄົວເຮືອນ, ຕິດຕາມຈົນລາຍຮັບຟື້ນຄືນ.
- ການປູກຝັງ ແລະ ການພັດທະນາດິນທຳການຜະລິດ
- ການລ້ຽງສັດ ແລະ ໜ່ວຍບໍລິການສັດຕະວະແພດບ້ານ
- ການປະມົງ ແລະ ການລ້ຽງປາ
- ທຸລະກິດຂະໜາດນ້ອຍ, ສີມືແຮງງານ ແລະ ການຈ້າງງານ
- ການຊ່ວຍເຫຼືອສະບຽງອາຫານ ໄລຍະຂ້າມຜ່ານ ແລະ ການຕິດຕາມລາຍຮັບ
ການພັດທະນາຊຸມຊົນ
ການຈັດຕັ້ງບ້ານ, ພື້ນຖານໂຄງລ່າງຊຸມຊົນ ແລະ ການຊ່ວຍເຫຼືອກຸ່ມບອບບາງ ຢູ່ບ້ານຈັດສັນໃໝ່.
- ສ້າງຕັ້ງ ແລະ ສ້າງຄວາມເຂັ້ມແຂງ ໃຫ້ແກ່ອົງການຈັດຕັ້ງບ້ານ ແລະ ຄະນະກຳມະການພັດທະນາບ້ານ (VDC)
- ຂຶ້ນທະບຽນ ປຶ້ມສຳມະໂນຄົວ, ໜ່ວຍບ້ານ ແລະ ເລກທີເຮືອນ
- ຝຶກອົບຮົມ ໃຫ້ແກ່ແນວໂຮມບ້ານ, ສະຫະພັນແມ່ຍິງ, ຊາວໜຸ່ມ, ກອງຫຼອນບ້ານ ແລະ ປ້ອງກັນຄວາມສະຫງົບບ້ານ
- ຝຶກອົບຮົມ ກ່ຽວກັບບົດບາດຍິງ-ຊາຍ ແລະ ກົດໝາຍຈະລາຈອນ
- ສະໜັບສະໜູນການສຶກສາ
- ກິດຈະກຳກິລາ ໃນວັນສຳຄັນຂອງຊາດ
- ສົ່ງເສີມວັດທະນະທຳ ແລະ ຮີດຄອງປະເພນີ ຂອງແຕ່ລະຊົນເຜົ່າ
ຖ້າໂຄງການຂອງທ່ານ ຕ້ອງຍົກຍ້າຍປະຊາຊົນ ຫຼື ນຳໃຊ້ທີ່ດິນຂອງປະຊາຊົນ, ທ່ານສາມາດຕິດຕໍ່ ແລະ ປຶກສາກັບພວກເຮົາໄດ້ ໃນທຸກໜ້າວຽກ ນັບແຕ່ເລີ່ມວາງແຜນ ຈົນຈົບໂຄງການ: ການສຳຫຼວດ, ການທົດແທນ, ການກໍ່ສ້າງບ້ານຈັດສັນໃໝ່, ການຍົກຍ້າຍ ແລະ ການຟື້ນຟູຊີວິດການເປັນຢູ່.
ພຽງແຈ້ງປະເພດໂຄງການ, ສະຖານທີ່ ແລະ ຂັ້ນຕອນທີ່ກຳລັງດຳເນີນຢູ່ ພວກເຮົາຈະຕອບກັບ ພ້ອມຄຳແນະນຳວ່າ ໂຄງການຄວນມີການສຳຫຼວດ, ແຜນ ແລະ ການອະນຸມັດ ອັນໃດແດ່.